Қашағанның шамасы — 75 млн тонна

Каспий теңізіндегі Қашаған кеніші жыл сайын 75 млн тонна “қара алтын” бере алады. Бұл тәулігіне 1,6 млн баррель деген сөз. Үкімет басшысы Әлихан Смайылов жалпақ жұртқа осындай жағымды жаңалықты жеткізді.

Осыдан 30 жыл бұрын іске қосылған кен орнында мұнай мен газдың қоры мол. Бірақ өндіріс тұрғысынан алғанда күрделі. Соған қарамастан, қазірге дейін кеніште 90 млн тонна қара май, 55 млрд текше метр газ өндірілген. Биылғы жылдың 8 айындағы көрсеткіш 12,3 млн тонна мен 7,8 млрд текше метрді құрады.
Елімізде былтыр 90 млн тонна “қара алтын” өндірілді. Қашағанның әлеуеті толығымен пайдаланған кезде еліміз әлемдегі мұнай өндірушілердің алдыңғы қатарына қосылады.
JQ- Aqparat