Қаржы пирамидасы есебінде қызмет көрсетеді деген күдікпен сот үкімі шыққан ұйымдардың кеңейтілген тізімі жария етіледі. Мұны қаржы мониторингі агенттігі мәлім етті. Бұдан былай өз қаражатын инвестициялауды жоспарлаған қазақстандықтар компанияның сенімділігін Қаржы нарығын дамыту және реттеу агенттігінің реестрінен ғана емес, сонымен қатар осы тізім арқылы да тексере алады.
«Айта кету керек, агенттік биылғы жыл басынан 22 қаржы пирамидасын анықтаған. Кибербақылау жүйесінде 4 мыңға жуық сайттар мен аккаунтар бұғатталды. Алдын алу жұмыстары аясында әлеуметтік желі қолданушыларына ескертулер жіберу нәтижесінде бүгінде 52 мың желі пайдаланушысы қаржы пирамидасы белгілері бар контентке жазылудан бас тартты. Азаматтарды қырағы болуға және ақша қаражатын күмәнді қаржы институттарына салмауға шақырамыз. Егер сіз және сіздің жақындарыңыз қаржы пирамидасының әрекетінен зардап шексе, ҚМА саll-орталығына (1458) хабарласа алады», – деп жазды агенттіктің баспасөз қызметі. Адамдар қандай да бір инвестиция салмас бұрын компанияда қаржылық пирамида белгілерінің бар-жоғын ҚМА телеграм-бот арнасынан біледі.
JQ-Aqparat
WhatsApp: +7 705 717 9113
