Қаржы министрі: Шетелге заңсыз шығарылған 670 миллиард теңге қайтарылды

Мәжіліс кулуарында журналистер қаржы министрі Ерұлан Жамаубаевтан шетелге заңсыз шығарылған қаржының қайтарылуы туралы сұрады. Ведомство басшысы осы күнге дейін шетелге заңсыз жолмен жасырған 670 миллиард теңге қайтарылғанын айтты.

«Бұл ақпарат ашық. Бас прокуратура ақпаратты ұсынып отырады. Қателеспесем, бүгінгі күнге дейін 670 миллиард теңге елге қайтарылды», — деді қаржы министрі Жамаубаев. Министрге Қазақстанынң қаржысын шетелге заңсыз жолмен шығарған бай-бағландардың атын атап, түсін түстеп берсеңіз деген де сұрақ қойылған.
«Мен білмеймін, білсем айтамын ғой. Бұл құқық қорғау органдарының мәселесі. Мен олардың жұмысына араласпаймын», — деп қысқа қайырды.

JQ-Aqparat