Қаруыңды тапсырсаң қаржы аласың

Соңғы 11 жылдың ішінде қазақстандықтар полиция өкілдеріне өз еркімен 56 мыңнан астам қару мен 2 миллионнан астам потронды тапсырған. Мұны брифингте әкімшілік полиция комитеті қару айналымын бақылау бөлімінің бастығы Асылбек Ыдырысов мәлім етті.

«Қаруды қолдана отырып жасалатын қылмыстың алдын алу мақсатында ІІМ халықтан заңсыз сақталған қару-жарақтарды сатып алу бойынша республикалық акцияны 2008 жылдан бері өткізіп келеді. 11 жылдың ішінде аталған акция барысында жалпы сомасы 1,9 млрд теңгеге 56 мыңнан астам атыс қаруы және 2 млн астам ойық қарудың патрондары ерікті түрде тапсырылды. Өткен жылдың қортындысы бойынша жалпы сомасы 89 млн теңгеге 1 400-ден астам ойық қару қабылданды. Оның ішінде ең көп қару Түркістан облысында тапсырылды. Бұл шаралар кирминогендік ахуалға оң септігін тигізді. Соңғы бес жылда қарумен жасалған қылмыстардың саны едәуір азайған», — деді А.Ыдырысов. Биылғы қару тапсыру акциясы 10 сәуірден басталады. Республикалық бюджеттен қару тапсырғандарға үлестіру үшін 89 миллион теңге бөлінген.

JQ-Aqparat