Қару-жарақ пен оқ-дәрілерді өткізбек болған 153 әрекеттің жолы кесілді

Ұлттық қауіпсіздік комитеті Шекара қызметінің жыл басынан бергі жұмыс қорытындысын жариялады.

ҰҚК баспасөз қызметінің хабарлауынша, 2023 жыл басынан бері шетелдіктер (Үндістан, Нигерия, Тәжікстан, Өзбекстан және Ресей азаматтары) мен Қазақстан азаматтарының жалған және өзге адамның құжаттарын пайдалануының 150 дерегі әшкереленді. Қос азаматтығы бар 233 адам анықталды.
Жалпы сомасы 2,5 млрд құрайтын 300-ден астам заңсыз валюта айналымына жол берілмеді.

Қару-жарақ пен оқ-дәрілерді өткізбек болған 153 әрекеттің жолы кесілді. Бұл қылмыстар бойынша күдіктілер әрі қарай тексеру үшін Ішкі істер министрлігі мен Мемлекеттік кірістер департаменті аумақтық бөлімшелеріне тапсырылды.

Хабарламада: «Одан бөлек, көші-қон заңнамаларын бұзғаны үшін 8 мыңнан астам адам әкімшілік жауапкершілікке тартылды» делінген.

JQ-Aqparat