Қаныпезердің Сириядан қайтарылғаны өтірік болып шықты

Биыл наурызда өз балаларын өлтірген Ақтау тұрғыны «Жусан» операциясы арқылы Сириядан қайтарылған деген ақпарат расталмады.
Бұл туралы Маңғыстау облысы полиция департаменті хабарлады.

Учаскелік полиция инспекторының ағымдағы жылдың наурыз айында балаларын өлтірген Ақтау тұрғыны қазақстандықтарды Сириядан қайтару жөніндегі «Жусан» бағдарламасының қатысушысы болғандығы және есепте тұрғандығы туралы түсініктемесі қайтадан тексерілді, — делінген хабарламада.

Бұл ақпарат шындыққа сәйкес келмейтіндігі анықталды. Осыған байланысты қызметкермен алдағы уақытта мұндай фактілерге жол бермеу бойынша профилактикалық әңгіме жүргізілді.

JQ-Aqparat