Қаңтарда ұрланған 268 қару табылды

Жыл басынан бері ұлттық қауіпсіздік комитеті полиция органдарымен бірлесіп, прокуратураның үйлестіруімен заңсыз қару айналымындағы қаруды іздестіру және тәркілеу бойынша, оның ішінде Қаңтар оқиғасы кезінде ұрланған қаруға қатысты бірқатар жедел-іздестіру іс-шараларын жүргізді. Соның нәтижесінде еліміздің 11 аймағында 268 қару, оның ішінде 38 «Калашников» автоматы, 126 мылтық, 104 тапанша, 21 граната, 4 жарылғыш құрылғы, түрлі калибрлі 30 199 оқ-дәрі, сонымен қатар броньды кеудеше, қорғаныш дулығасы, қол-кісендер, автомат оқжатарлары, қалқандар мен радиостанциялар тәркіленді.

Жедел қызметкерлер жасырылған қару мен оқ-дәрінің негізгі бөлігін мына өңірлерден тапты:
Алматыда – 4
Байқоңырда – 1
Қостанайда – 1
Семейде – 1 Өскеменде – 1
Ақтөбеде – 1
Алматы облысында – 3
Жамбыл облысында – 4
Жетісу облысында – 2
Павлодар облысында – 1
Солтүстік Қазақстан облысында – 3.

JQ-Aqparat