Қ. Тоқаев В.Путинмен кездесті

Мемлекет басшысы Қасым-Жомарт Тоқаев бүгін Ресей Федерациясына жасаған жұмыс сапары барысында Ресей Президенті Владимир Путинмен кездесу өткізді. Бұл туралы Президенттің баспасөз хатшысы Руслан Желдібай хабарлады.
Кездесу барысында Мемлекет басшысы Қасым-Жомарт Тоқаев Ресей Президенті Владимир Путинмен екіжақты ынтымақтастықтың өзекті мәселелерін талқылады.
Сондай-ақ, өзара құрмет пен екі ел халықтарының мүддесіне негізделген сауда-экономикалық, мәдени-гуманитарлық байланыстардың маңызды бағыттары бойынша серіктестікті одан әрі дамыту қажеттігі айтылды.
Бүгін Мемлекет басшысы Қ.Тоқаев Жеңістің 78 жылдығына орай Мәскеудегі Қызыл алаңда өткен әскери парадқа барды. Мемлекет басшысы Ресейге жасаған жұмыс сапары кезінде Белгісіз жауынгер бейітіне гүл шоғын қою рәсіміне қатысты.

JQ-Aqparat