Қ. Боранбаевтың соттағы соңғы сөзі

Бүгін Астанадағы Сарыарқа аудандық №2 сотында Қайрат Боранбаев соңғы сөзін айтты.
«Құрметті сот, сізге өз құқығымды қорғау үшін жүгінемін. Бұл істе прокурорлардың өз қателіктерін мойындауға батылдығы жетпеді. Осы орайда сот жіберілген қателіктерді түзетуге, әділдік пен заңдылықты қалпына келтіруге батылдығы жетеді деп үміттенемін. Өз қателіктерін мойындай алса, ол еркін адам. Біздің ісімізде ұрандатушылық жоқ, біз жасаған мәміле тек коммерциялық сипатқа ие. Тергеу басталғаннан бері «АзияГазЧунджа» және «Qazaq Gaz» арасындағы мәмілені коммерциялық және заңды деп санап келдім, мүмкін мен қателескен шығармын. Сондықтан егер Qazaq Gaz мемлекет атынан бұл мәміледен шын мәнінде залал келтірілді деп есептесе, онда мен тергеу кезінде тапқан табысымды қайтаруға дайынмын. Бүгінде залал толық көлемде өтелді. Осы орайда заңды шешім қабылданады деп үміттенемін», – деді Қайрат Боранбаев. Былтыр 17 наурызда қамауға алынған Қайрат Боранбаевқа қатысты сот отырысы 2022 жылдың 30 желтоқсанында басталып, әлі жалғасып келеді. 28 наурыз күні өткен сотта прокурор судьядан Қайрат Боранбаевты 8 жылға бас бостандығынан айырып, мүлкін тәркілеуді сұраған болатын.

JQ-Aqparat