Әкесі мен қызының биі желіні жарды (видео)

Әкесі мен қызының биі түсірілген видео Қазнетті жаулап алды.  Бидің видеосы Instagram желісіндегі парақшаларда пайда болды. Роликтің 24 наурызда Алматыдағы үйлену тойларының бірінде түсірілгені белгілі болды.

Алматының 42 жастағы тұрғыны Ерлан бұл бидің ойламаған жерден болғанын айтады. «Ойламаған жерден биледік, биді алдын ала дайындаған жоқ. Қызым тек менің қимылдарымды қайталап тұрды», — дейді видеодағы ер адам. Отбасы мұрағатынан алынған сурет.

Ер адамның айтуынша, ол биге аса мән беріп, онымен айналысқан емес. Ал қызы осымен бірнеше жыл бойы бимен айналысады екен. Сондай-ақ, ол 18 жастағы Даяна есімді қызының түрлі роликтерді жиі түсіретінін айтты. «Мен бимен айналыспаймын және айналысқан да емеспін. Ал қызым 14 жасынан бері «Blockbuster Dance Academy»-да айналысып жатыр. Қызымызбен бұрыннан видео түсіреміз. Әзірше бізді көшеде танып жатқан жоқ. Ал шынайы өмірде мен бизнесменмін, видеобақылаумен айналысамын. Қызым 1-курс студенті, кәсіпқой биші», — дейді ол. Tengrinews.kz  хабарлағандай,  кейбір қолданушылар бұл биге тәнті болып, «супер әке» деп атап жатса, кейбіреулері «ата-анасынан ұялмай ма» деп пікір қалдырып жатыр.