Әке: Дүниенің қажеті жоқ, тек азаматтарым аман болсын

 
Ұзынағаш базарында мал сатып жүріп, із-түзсіз жоғалған үш жігіттен әліге дейін еш хабар-ошар жоқ. Ал кеше олардың екінші жүк көлігі табылды.

Жоғалған жігіттің туған-туыстары, ағайындары, сонымен қоса 200 ерікті түгелімен дерлік жоғалған үш жігітті іздеп жатыр. Бүгін Алматы облысы Жамбыл ауданына қарасты Үлгілі ауылынан өткен жексенбі, яғни, 18 қыркүйекте Ұзынағаш базарына мал сатуға шығып жоғалып кеткен үш жігітке тиесілі малдың 35 басы табылды.

«Айдың-күннің аманында үш балам мен 2 камаз, 45 бас мал жоқ болу деген…Іздемей жатқан жоқ, халық болып іздеп жатыр. Дүниенің керегі жоқ, тек қана азаматтарым аман болса…», — дейді Жарқынның әкесі.

Естеріңізге сала кетейік, Талдықорған қаласына жақын маңдағы Көксу ауданының 3 тұрғыны Алматы жақтағы Ұзынағаш базарында мал сатамыз деп із-түзсіз жоғалып кеткен болатын. Ал кеше олардың екінші жүк көлігі табылған болатын. Көлік Жамбыл ауданына қарасты Дегерес ауылы маңынан екінші жүк көлігі табылды.

baq.kz