Кәсіпкерлікті қолдаудың көкжиегі

29 қараша 2022, 14:05

Кәсіпкерлікті қолдаудың көкжиегі
Астана қаласында кәсіпкерлікті қолдау мен дамыту жөнінде нақты жұмыстар жүзеге асырылуда. Мысалы, жыл сайын шағын және орта бизнес өкілдері үшін арнуалы гранттар бөлініп келеді. Былтыр бір топ кәсіпкерлер бизнес-жоспарларын жария етіп, оны алқалы топтың алдында қорғап, өздерінің жеке кәсіптерін дөңгелетуге мүмкіндік алды.

Әкімдіктің 2022 жылғы 1 қазанындағы мәлімет бойынша, қалада 220,2 мың шағын және орта бизнес субъектісі тіркелген екен. Өткен жылғы көрсеткішпен салыстырғанда 18,5 пайызға өсіпті. Жыл басынан бері кәсіпкерлік бағытында жұмыспен қамтылған адам саны 444,3 мыңға жеткен. Елорда экономикасындағы кәсіпкерліктің жалпы үлесі 72 пайызды құрайды.

Жоғарыда сөз болған грантты ұтып алған бірнеше кәсіпкерлермен хабарласып, солардың ой-пікірін тыңдаған едік. Мысалы, Шынар Қазиеваның «Бидай Фуд» шағын наубайханасын ашқанына екі жыл болыпты. Бүгінгі таңда наубайханада өзімен қоса бес адам жұмыс істеп, отызға тарта нан өнімдерін шығарады. «Осының бәрі мемлекеттің қамқорлығының арқасында», — дейді Ш.Қазиева.

Ақмарал Иманалиева болса, ерекше жандарға арнап аксессуарлар шығарады. Бұл — мүмкіндігі шектеулі жандардың қозғалуына, жүріп-тұруына көмектесетін құрал-жабдықтар. Әзірге жұбайы өз қолымен олардың механикалық түрлерін жасайды. Енді болашақта жетілдірілген, электрмен қозғалатын нұсқаларын жасау үшін қосымша қаражат қажет екен. Одан бөлек, өнімнің сапасын растайтын сертификат керек. Қазір олар осы бағытта қаракет жасап жатқан көрінеді.
Ал Татьяна Кұснитдинова – ерекше балаларға арналған бейімдеу-дамыту орталығының басшысы. Бастапқыда орталық көлемі жүз шаршы метрлік шағын бөлмеде орналасыпты. Қазір оның көлемі екі есеге ұлғайып, орталықта тоғыз педегог жұмыс істеп жатыр. Татьянаның өзі де осы саладағы білікті маман. Сонда да бір орнында тоқтап қалмай, әрмен қарай өзін жетілдіру үшін Мәскеу академиясында нейропсихолог мамандығы бойынша оқып жатыр.

Мемлекет тарапынан жасалған қолдаудың нәтижесінде аталған орталық қана емес, қаладағы басқа да шағын және орта бизнес өкілдері айтарлықтай табыстарға жетіп отыр.

Тағы да бірнеше деректер келтіре кетейік. Астана қаласы бойынша 4 жыл ішінде қолдау тапқан кәсіпкерлер жобасының саны 4 есеге артқан. Егер 2019 жылы 172 кәсіпкерге қолдау көрсетілсе, 2022 жылы (1 қазанға дейінгі дерек) 716 жобаға қаржылай қолдау көрсетілген.
Бүгінде Астана миллионнан астам тұрғыны бар үлкен мегаполиске айналды. Сұраныстың артуына қарай, қалада жылына түрлі салада 10-15 мыңға жуық кәсіпорын ашылады. Жалпы Астанада 185 мың кәсіпорын болса, оның басым бөлігі жеке кәсіпкерліктің еншісінде.
Бір сөзбен айтқанда, Астана қаласында кәсіпкерлікті қолдаудың көкжиегі кеңея бермек.

Абзал Ибрагим,
Астана

25 қантар, 9:27
Ербол Хамитов әлем чемпионы! (Видео)
24 қантар, 17:32
Жанар Айжанова: Арабтарды таң қалдырдым
24 қантар, 17:16
Орыс мектебіндегі оқушылар енді қазақ тілінен емтихан тапсырады
24 қантар, 15:17
Ынтымақтастық кеңиді
24 қантар, 13:53
Науан Мүтәлұлы, имам: Өзіңе-өзің қол жұмсау – ең ауыр күнә
24 қантар, 13:13
Әлихан Смайылов: Айтып келетін апатқа жол бермеу керек!
24 қантар, 10:03
Елена ерлеп тұр 
23 қантар, 15:48
Батырдың көйлегі мен мүштегі (Видео)