Кәсіпкерлерге аукционсыз берілген 77 гектар жер қайтарылды

Шымкентте кәсіпкерлерге аукционсыз берілген 77 гектаржер мемлекетке қайтарылды. Мұны сыбайлас жемқорлыққа қарсы іс-қимыл агенттігі Шымкент қаласы бойынша департаментінің басшысы Дәурен Ерғарин әлеуметтік желідгегі өзінің парақшасында жария етті.

Шымкент қаласының Сыбайлас жемқорлыққа қарсы қызметі құрылыс саласындағы жемқорлық тәуекелдеріне сыртқы талдауды жалғастырып жатыр. Жуырда тығыз құрылыс салуға жол бермеу мақсатында жеке меншікке заңсыз берілген жер учаскелерін мемлекет пайдасына қайтару бойынша мақсатты іс-шаралар ұйымдастырылды. Нәтижесінде сот шешімімен аукционсыз кәсіпкерлерге берілген жалпы ауданы 77 гектар, құны 3 млрд. теңгеге жуық 46 жер учаскесі мемлекеттің меншігіне қайтарылды.
Сот шешімі заңды күшіне енген жоқ.

JQ-Aqparat