Көлік жүргізушісінің әрекеті көпшіліктің жүрегін елжіретті (видео)

Рұқсат етілмеген жерден жолды кесіп өткен қарт кісіге көмектескен ақтаулық көлік жүргізушісінің әрекеті желі қолданушыларының жүрегін елжіретті.

Видеода белгісіз көлік жүргізушісі егде әйелге көмек қылу үшін бірден көлігін тоқтатады. Жақын маңда жаяу жүргіншілер жолағы да жоқ екен. Әйелдің қолына сөмке көтеріп алғанын да байқауға болады.

Жүргізуші әйелді жолдың арғы бетіне өткізіп жіберіп, қайтадан кері қайтады. Оқиға “Магаш” базары мен Маңғыстау облыстық ҰҚК ғимараты ортасындағы жол бойында орын алған.

Пікір қалдырушылар қарт кісіге қол ұшын созған көлік жүргізушісінің әрекетін адамгершілік деп бағалап, риза болысқан.

Бұл туралы lada.kz сайтына сілтеме жасап stan.kz хабарлайды.
https://www.youtube.com/watch?v=dSb_n6B-KeQ