Ит тірідей жерленген сәбиді құтқарып қалды (видео)

Қытайдың Цзянцзин қаласында ит шұңқырда жатқан сәбиді сезіп, оны көмілген жерінен қайта қазып шығарған. Иттің иесі басылымға берген сұхбатында оның бар күшімен жерді қазып жатқаны алаңдатқанын айтты.

Шұңқырды қайта қазып жатқан сәтте олар ақ матаға оралған және жылап жатқан сәбиді тапқан. Сондай-ақ, шұңқырда жатқан сәбидің туғанына бір-ақ ай болғаны айтылады. Сәбидің температурасы түсіп, жүрегі соғысы баяулап, бірден ауруханаға жеткізілді. Басылымның мәліметінше, сәби қазір дәрігерлердің бақылауында, оның өміріне қауіп төніп тұрған жоқ. Қазіргі уақытта полиция сәбидің туыстарын іздестіріп жатыр. Алдын ала мәлімет бойынша, сәбиді қателіктен тірідей көміп тастаған. Себебі сәбидің ата-анасы оны өлі деп ойлаған.

https://youtu.be/Q-osYhl5buc

tengrinews.kz