Исраил Сапарбай: Жұбайымның қадір-қасиетін енді біліп жатырмын

Отандық бағдарламаның біріне сұхбат берген ақын, драматург Исраил Сапарбай өзінің жұбайы жайлы сөз етті.

«Жұбайым аман-есен болғанда, айтар еді. Енді қиындықты да көрдік. Қиындық әр жағында бұл тағдыр ғой. Ол тағдырына өкінген жоқ. Пандемия алып кетті ғой. Тұңғышымыз өзінен аумай қалған. Немере сүйіп, бәрін жеткізіп кетті. Өзім ойлаймын, ақынның жары болу алғашқы кезде қиын болды. Ол көнді. Көнгеннен кейін барып, мойындады. Екеуіміз шын мәнінде, махаббат жайлы сырласып, мұңдасу деген нәрсе болған жоқ. Біріншіден, балаларды өсірсін дедік. Балажан болды. Маған деген махаббаты балаға ауып кетті, шыны керек. Ол ана ғой, қанша дегенмен. Оның қадір-қасиетін енді біліп жатырмын. Қазір ол кетіп қалғаннан кейін ойлаймын… Шынында осы үйленгелі бері бір рет жақсылық жасадым ба, бір жаққа қыдырттым ба деп… Қазір өкінемін. Бірақ керемет ана болды», — деді Исраил Сапарбай.
JQ-Aqparat