Инвестиция hәм серіктестік: Ерболат Досаев консулдармен кездесті

Алматы әкімі Ерболат Досаев Қазақстандағы шетелдердің Бас және Құрметті консулдарымен кездесіп, басым жобаларға инвестиция тартуды талқылады.

Әкім қаланың серіктестік үшін ашықтығын атап, «Бір терезе» қағидаты бойынша кеңес беретін Almaty Business Development Center инвесторларына арналған қалалық фронт кеңсесін ұсынды.

Даму жоспарына жедел қоғамдық көлік жүйесін құру, индустриялық аймақты 40 пайыз кеңейту және қаладағы экологиялық ахуалды жақсарту кіреді.

Ауаның сапасын жақсарту және қаладағы ластану деңгейін төмендету бойынша «жасыл» жобалар мен бастамаларды құруға, сондай-ақ, «Смарт Ситиді» құру үшін жұмыс орындарын ашу және цифрлық жобаларды дамытуға баса назар аударылды.

Кездесуде ҚР СІМ өкілдері, түрлі елдердің Бас және Құрметті консулдары сөз сөйлеп, Алматының қарқынды дамуы мен халықаралық байланыстарды нығайту әлеуетін атап өтті.

Стратегиялық әріптестік пен орнықты экономикалық өсу Алматы үшін басты басымдық болып қала береді.

JQ-Aqparat

Суреттер: Алматы әкімдігінің баспасөз қызметі