Имамдар сынақтан өтеді

Алдағы уақытта дін қызметкерлерінің кезекті республикалық аттестациялау жұмыстары басталады. Алматы қалалық орталық мешітінің баспасөз қызметінің жазуынша, шаһардағы 54 мешітте қызмет ететін имамдар мен ұстаздар сараптау комиссиясының алдында сынақ тапсырады.

«Сынақ барысында дін қызметкерлеріне қырағат, тәжуид, ақида, фиқһ, Ислам тарихы салалары бойынша сұрақтар топтастырылған билеттер ұсынылды. Дін қызметкерлерінің білімін сараптап, біліктілігін бағалау үшін ҚМДБ қызметкерлерінен құралған комиссия мүшелері қосымша тапсырмалар беріп, мешіт ережесі, концептуалды құжаттар, басқа да әкімшілік сауалдар арқылы біліктілік деңгейін анықтайтын болады», — деп хабарлады Алматы орталық мешіті. Алматы қаласының дін қызметкерлерінің білімін сараптауға арналған республикалық аттестаттау үш күнге ұласады.

JQ-Aqparat