«Имам балаларға аяғын уқалатты». ҚМДБ жамағатты мешіт әдебін сақтауға шақырды

ҚМДБ Сарығаш ауданындағы мешітте балаларға аяғын ұқалатқан Әбдіжаппар имамға қатысты пікір білдірді, деп хабарлайды jasqazaq.kz.

Діни басқарманың баспасөз хатшысы Ағабек Қонарбайұлы құлшылық үйіне келген адам мешіт тәртібін сақтауға тиіс екенін ескертіп, былай деп жазды: «Мешіт – құлшылық үйі, жамағат жиналатын рухани орда, қасиетті мекен, тәрбие орны. Құлшылық үйіне келген адам мешіт әдебін сақтауы тиіс. Бұл – мұсылманның көркем мінезінің бірі. Түркістан облысы Сарыағаш ауданындағы мешітте болған оқиға әлеуметтік желілерде тарап, қоғамның түрлі пікір қайшылығын тудырды. Осыған орай Қазақстан мұсылмандары діни басқармасы қасиетті орында қоғам наразылығын тудырған әрекетке жол бергені үшін мешіт имамына ескерту жасады. Қазақстан мұсылмандары діни басқармасы еліміздегі барша мұсылман жамағатын құлшылық үйлерінде дауыс көтеріп сөйлемеуге, әдепсіз әрекеттерге жол бермеуге, ұрыс-керіс жасамауға шақырады. Жамағатты барынша мешіт әдебін сақтауға үндейміз».

JQ-Aqparat