Гүлнар Байбосынова: Ер азаматтар маған жақындауға қорқады

Актриса Гүлнар Байбосынова отандық бағдарламаға берген сұхбатында ер азаматтың қандай қасиетін жоғары бағалайтынын айтты.

«Әлі кездестірмедім. Жалғыздыққа үйреніп қалғанмын. Арасында ұнату болады. Бірақ бірнәрсе болмай қалады. Маған негізі бұйырмаған. Бірақ мен бақыттымын. Жәңгіріммен өмір сүремін. Жәңгірімді үйлендіремін, оқытамын. Өмірдегі мақсатым да, арманым да — ұлымды жақсы азамат қып тәрбиелеу. Егер бұйырып, ер адам кездессе «әрине» деймін. Маған жомарт, тартымды, адамгершілік қасиеті бар, өзін ер азамат секілді ұстайтын, өзімнен мықты адам керек. Менен мықты болуы керек. Қай әйел бақытты болғысы келмейді? Қай әйел жанындағы жарына еркелегісі келмейді? Ал қазір қорқамын. Маған жақындауға қорқады. Түрім суық қой. Мінезі қатты, менсінбейді деп ойлайды», — дейді өнер иесі.

JQ-Aqparat