«Гүлекенің келіні кетіп қалыпты»деген сөз ауыр

Гүлзира Айдарбекова отандық бағдарламаға сұхбат берген кезінде кіші ұлы Заңғар Нұртас не себепті ажырасып кеткені өзіне аса ауыр тигенін жеткізді.

«Бұл отбасыны сақтап қалу үшін барын салар едім» деді. «Қатты қиналдым. Менің енелік тәрбием дұрыс болмаған соң, келінім кетіп қалған сияқты болды. «Гүлекенің келіні кетіп қалыпты» деген сөздің өзі маған ауыр тиді. Бірақ, ол мүмкін емес болды. Өйткені ол менің ұлымның өмірлік жары болды. Одан сен қаншама ұрпақ сүйесің. Енді оның іздеген әлемі басқа болды. Біздің әлемге келісе алмайтын болғаннан кейін, балам да, өзі де түсінді. Содан кейін жай ғана бөлінгенін қаладық. Олар әлі жас, артында жылап қалды дейтіндей ұрпағы жоқ. Ол жерде бір немере болса мен жабысып қалатын едім. Қандай қиындық болса да шыдайтын едім. Ол да мүмкін өз бақытын тауып қалар. Заңғар да өз бақытын тауып қалар. Екеуі бір-бірінің адамы емес екен ғой деген тұжырымға келдім. Соған көндім», — деді.

JQ-Aqparat