Головкин мен Джейкобс командалары келісімге келе алмай жатыр

07 қазан 2016, 13:05

photo_30070

Қазақстандық Геннадий Головкинның промоутері Том Леффлер Бүкіләлемдік бокс ассоциациясына (WBA) америкалық Дэниэл Джейкобстың командасымен келісімге келе алмай жатқандығын жеткізген.

Джейкобстың заңгері Леон Маргулес WBA-ға сұраныс жіберіп, онда саудаласқан жағдайда ережеде көрсетілгеннен бөлек гонорарлар қатынасын қолдануға рұқсат сұраған. WBA ережелері бойынша, егер жекпе-жек бойынша саудаласу кезінде келісімге қол жетсе, Super атағын иеленуші, бұл жағдайда Головкин жалпы гонорардың 75 пайызын, ал Regular атағын иеленуші, осы жағдайда Джейкобс 25 пайызын ғана алады.

Еске салайық, Головкин мен Джейкобс жекпе-жегі 10 желтоқсанда өтеді деп болжанған. WBA тараптарға келісімге келу үшін 10 қазанға дейін мерзім берген.

kaz.tengrinews.kz