Германияда жоғалып кеткен Айгүл Сайлыбаеваны кім өлтірді?

17 маусым 2024, 20:22

4 маусымда Германияда із-түзсіз жоғалған Айгүл Сайлыбаева өлі табылды. Бұл туралы немістің Bild басылымы хабарлады.
Оның денесін кеше кешқұрым Бенсхайм қаласының шетіндегі Эрлах карьерінен тапты.
«Мүрдені пластик қапшыққа салған, зорлық белгілері бар. Іске 35 тергеуші тартылды. Үйінде тінту жүргізілді» , — деп жазды Bild.
Германияға кеткенге дейін Айгүл Сайлыбаева Астанада судья болып жұмыс істеген. Соңғы жылдары Бенсхайм қаласында отбасымен тұрған. 4 маусымда қызын балабақшаға апарған соң ұшты-күйлі жоғалған. Оның елдегі туыстары дабыл қағып, іздеу жариялауды өтінген болатын. Олар Айгүлдің күйеуі мен қайын енесінен қысым көргенін жария етті. Қайын енесі 4 маусымда немересі балабақшадан әкелген соң, ол да жоқ боп кеткен.

JQ-Aqparat