Генерал Күдебаев қырғызға тау асып кеткен бе? (Видео)

20 сәуiр 2023, 12:16

Жетісу облыстық полиция департаментінің экс-басшысы, генерал Серік Күдебаев көршілес қырғызстанға кедендік бақылау пункттерінен емес, тау арқылы қашыпк етуі мүмкін. Мұны ҰҚК өкілі айтты.
«Тау арқылы кетті деп болжап отырмыз. Ол туған аймақта тау маңында елді мекен, шаруашылық бар. Өткізетін адамдар, мүмкіндіктер бар. Біз осы версияны қарастырып жатырмыз», — деді Ұлттық қауіпсіздік комитеті төрағасының орынбасары – шекара қызметінің директоры Ерлан Алдажұманов.
Генералдың қазір Түркияда екені белгілі. Өзіне тағылған айып бойынша өтуі тиіс сот отырысына келмеген генералды күштеп әкелу шарасын қолдану тапсырылған болатын. Бірақ сот процесі өтетін күні құқық қорғау органдары генералдың орнын сипап қалған еді. Кейін оның Қырғызстанға қашып, «Манас» әуежайынан Түркияға ұшып кеткені белгілі болды.