FIFA президенті Астанаға келді

FIFA президенті Джанни Инфантино жұмыс сапарымен Астанаға ұшып келді. Әлемдік футбол қауымдастығының президентіне тағайындалғалы Джанни Инфантино қазақ жеріне тұңғыш рет табан тіреп отыр. Қазақстан футбол федерациясы баспасөз қызметінің мәліметінше, ресми сапары барысында Халықаралық футбол федерациясы басшысы Президент Қасым-Жомарт Тоқаевпен кездесуі жоспарланған. «Сондай-ақ, Инфантино Қазақстан футбол федерациясы манежінде оқушылар арасында өтетін Ұлттық қыздар лигасының ашылу салтанатына қатысады. Сонымен қатар, ФИФА және ҚФФ президенттері елімізде футболды дамыту бойынша бірлескен жобаларды іске асыру бойынша бірқатар мәселені талқылайды» деп хабарлады Қазақстан футбол федерациясының баспасөз қызметі.

JQ-Aqparat