Еуропаны пана тұтатын босқындар көбейді

Екі күн бұрын Ливияның теңіз шарлаушы полициясы Сабрата қаласына жақын теңіз айдынында 300-ден астам заңсыз босқынды құтқарды. Тексере келе босқындардың Сахараның оңтүстігіндегі Африка елдерінен екені белгілі болды. Еуропаны паналау үшін заңсыз шекара бұзып өткен екен. Қытайдың «Халық» газетінің ресми сайтының хабарлауынша, босқындарды бір жайлы етуді Ливия үкіметі өз мойнына алып отыр. Аталған елдің амандық қорғау тарауларының айтуынша, алғашында террорлық топ болуы мүмкін деген күмәнмен, қарулы полицейлер арқылы босқындар отырған кемені қоршауға алған. Заңсыз шекара бұзғанымен босқындар қатарында мәміле жасалып, уақытша Сабрат қаласында паналатпақ. Азаматтықтары расталғаннан кейін мекендеріне қайтарылмақ. Еуропалық одақтың босқындарға қаратқан көзқарастарының өзгергеніне қарамастан, Еуропа елдеріне Африка мен Орта-Шығыстан баратын босқындар саны азаяр емес. Бұл ЕО-ға мүше елдердің қауіпсіздік мәселесін тіпті де қиындата түсті. Өткенде АҚШ Мемлекеттік департаменті жариялаған болжам бойынша, жаз айларында Еуропа елдерінде террорлық шабуылдар жиі туылып, аймақтағы елдерді әбігерге салады делінген.

“The Qazaq Times”