Еуропадан есірткі әкелген азамат сотталды

Еуропаның солтүстігіндегі Скандинавиядан ірі көлемде есірткі әкелген азамат сотталды.
Бас прокуратураның Телеграм-каналы хабарлағандай, Астана қаласы ауданаралық қылмыстық істер соты халықаралық есірткі тасымалы арнасы арқылы швециядан елімізге гашиш әкелген Д. есімді азаматқа қатысты үкім шығарды. Сот отырысында мәлім болғандай, ол 479 грам гашишты құжат салатын қорапқа жасырыпты. 500 дозаны құрайтын есірткіні қаладағы қуыс-қуысқа жеткізіліп, нашақорларға таратпақшы болған.
Алқа билердің қатысуымен өткен сот отырысында мемлекеттік айыптаушы бұлтартпас айғақ пен дәлелді алға тартты. Сөйтіп, есірткі саудагері 18 жылға бас бостандығынан айырылды.
JQ-Aqparat

Сурет: polisia.kz