Есірткімен басы бәлеге қалды

05 сәуiр 2023, 15:27

Қостанай полицейлері белгіленген жерге есірткі қоюшыны құрықтады.
Жедел-іздестіру іс-шаралары барысында Қостанай облысы ПД есірткі қылмысына қарсы іс-қимыл басқармасының қызметкерлері 29 жастағы тұрғынды ұстады.

Жеке тінту кезінде a-PvP психотроптық есірткі затының 1 zip пакеті тәркіленді. Оны да таратпақ болған. Әрі күдіктінің үйінен изолентаға оралған 74 zip пакеті және ұнтақ заты бар 5 zip пакеті тәркіленді.

Есірткінің жалпы салмағы 30,62 гр құрады, zip пакеттерінде a-PVP және мефедрон психотроптық есірткі заты болды.

Күдікті УҰИ-на қамалды. Бұдан әрі тергеу-жедел іс — шаралар жүргізіліп жатыр.
ҚР ҚК-нің 297-бабы, 3-бөлігі бойынша сотқа дейінгі тергеп-тексеру басталды.

JQ-Aqparat