Есірткі жинап, абақтыға қамалды

Ақтау қалалық сотында сотталушы Т-ға қатысты Қазақстан Респуликасының Қылмыстық Кодексінің 296-бабы 4 бөлігімен сот үкімі шығарылды.Бұл туралы ҚазАқпарат агенттігі хабарлады.

Басты сот талқылауында сотталушы Т. Маңғыстау облысы ІІД-нің қызметкерлерімен «Өрмекші» жедел профилактикалық іс-шарасын жүргізу барысында Ақтау қаласындағы жалдамалы пәтерде аса ірі мөлшерде «марихуана» есірткі затын заңсыз сақтағаны үшін ұсталғаны анықталды. Сот сараптамасының қорытындысы бойынша сотталушыдан жалпы салмағы 4 кг 888,24 грамм кептірілген марихуана тәркіленген. Сот үкімімен сотталушы Т. Қазақстан Республикасы Қылмыстық Кодексінің 296-бабы 4 бөлігінде көрсетілген, аса ірі мөлшерде есірткі заттарды өткізу мақсатынсыз заңсыз тасымалдау және сақтау деген қылмыс жасағаны үшін кінәлі деп танылып, 3 жыл мерзімге бас бостандығынан айыру жазасы тағайындалды, деп хабарлайды Ақтау қалалық сотының баспасөз қызметінен.