Есірткі саудасымен айналысқан қылмыстық топ ұсталды

Таразда есірткі саудасымен айналысқан ұйымдасқан қылмыстық топ ұсталды.    Бұл туралы Жамбыл облысының прокуратурасына сілтеме жасап,   tengrinews.kz  хабарлады. Тараз қаласының прокуратурасы қалада бірнеше жыл бойы есірткі саудасымен айналысып келген ұйымдасқан қылмыстық топты анықтады. 18 наурызда күдіктілердің үйін тінту кезінде ұйымдасқан қылмыстық топтың басшысы мен оның сыбайластары ұсталды. Олардан 2,5 келіден аса героин мен 2,5 миллион теңге тәркіленді. Күдіктілердің барлығы соттың санкциясымен қамауға алынды. Қылмыстық істі сотқа дейін тергеу жұмыстары облыстық ІІД тергеу басқармасындағыларға тапсырылды. «Құқық қорғау органдарындағылар ұйымдасқан қылмыс түрлерімен барынша күресуі керек. Жастар қылмысқа осындай топтар арқылы тартылады», — деді облыс прокуроры Ернат Сыбанқұлов.