Ерұлан Жамаубаев: «Қазақстан халқына» қорына біздің қатысымыз жоқ

Бүгін Премьер-министрдің орынбасары-қаржы министрі Ерұлан Жамаубаевқа БАҚ тарапынан «Қазақстан халқына» қорындағы қаражат қадағалана ма?» деген сұрақ қойылды.
«Бұл қорға Үкімет тарапынан біздің қатысымыз жоқ. «Қазақстан халқына» қорының өзіне қатысты заң нормалары мен қамқоршылық кеңесі бар. Олар халыққа тиісті есебін жариялап отырады, — деді қаржы министрі.

«Кеше еліміздегі өртке қатысты бірқатар елдің мемлекет басшылары Қазақстанға көңіл айту хатын жолдады. Олардан көмек неге сұрамаймыз? Өзіміз еңсере аламыз ба?» деген сауалға Ерұлан Жамаубаев: «Күшіміз жетеді деп үміттенемін. Біздің арнайы құзырлы органдарымыз бар, біз солар арқылы басқа елдің құзыретті органдарына шыға аламыз, — деп жауап берді.

JQ-Aqparat