Ернар Айдар “Ninety one” тобының идеясын ұрлаған ба?

“Ninety one” тобы құрылған күннен бастап сын естіді. Көпшілік топ жігіттерінің сахналық образдарын сынады. Тіпті, сырға тағып, шаш бояған жігіттерді кейбір қалалар кіргізбей қойды. Десе де уақыт өте келе топты жақтаушылар көбейді. Олардың қатарында өнер жұлдыздары да бар.

Мәселен, әнші Нұржан Қалжан “Ел аузында” бағдарламасына берген сұхбатында: “Елдің бәрі 91 тобын жамандап алып, өздері “Саған қалай айта алам” деп солардың әнін ыңылдап айтып жүр”, – деді. Ал Алтынай Жорабаева топ жігіттерінің талантты екенін мойындап отыр.

Ол аз десеңіз, жуырда Төреғали Төреәлі өзі сынаған топтың костюміне ұқсас киім кигені үшін сыналды. Ал енді жұрт әнші Ернар Айдарды бейнебаян желісінің идеясын ұрлады деп айыптауда.

Есте болса, жуырда Ернар «Қимастық» атты бейнеклипінің тұсауын кесті. Онда Ернар судың астында сүйіктісіне ұсыныс жасамақ болды.

Дәл осындай көрініс Ninety one тобының “Қайтадан” атты бейнебаянында бар.

stan.kz