Ерке Есмахан ұлын әкесімен кездестіре бастады

Асхат Садырбай мен Ерке Есмахан ажырасқалы бері олардың ұлдары нағашыларының тәрбиесінде. Кішкентай Мүслім Еркенің ата-анасымен бірге Ақтөбеде тұрады. Бұл туралы Stan.kz хабарлайды.

Ерке Есмахан Асхат Садырбайдың өзіне қол жұмсағанын бірнеше рет айтқан болатын. Алайда Асхаттың өзі бұл жайтқа қатысты ауыз ашпады, есесіне оның анасы бұл ақпаратты жоққа шығарған.

Ал Ерке бұған дейін Мүслімді бұрынғы қайын жұртына мүлдем апармайтынын айтқан еді. Дегенмен баланың көңілі үшін қос тарап келісімге келген көрінеді.

Асхат Садырбай желідегі парақшасына ұлының суретін жүктеп, онымен жүздескенін көрсетті.

Елдің талқысынан қашса керек-ті, тележүргізуші аталған суретке пікір қалдыруды шектеп қойған.