Ербол Қарашөкеев: 5 млн гектар ауыл шаруашылығы жері қайтарылады

Ауыл шаруашылығы министрі Ербол Қарашөкеев биыл 5 млн гектар ауыл шаруашылығы жерін қайтару жоспары туралы айтты.

«Мемлекет басшысының тапсырмасы бойынша біздің министрлік пайдаланылмайтын ауыл шаруашылығы жерлерін кері қайтару жұмысын жалғастырады. Биыл қосымша 5 млн гектар ауыл шаруашылығы жерін қайтару жоспарланып отыр. Қайтарылған жерлер бірінші кезекте ауыл халқының мал жаю мұқтажын өтеуге бөлінеді», — деді министр.

Сондай-ақ «Amanat» партиясының жанынан «Ауыл аманаты» арнайы жобалық кеңсесі құрылған. Ол министрлікпен бірлесіп, ауыл халқының табысын арттыру бағдарламасының сапалы іске асырылуын бақылап, қадағалайды», — дейді Е.Қарашөкеев.

JQ-Aqparat