Енді қару-жарақ дүкені қапы қалдырмасын

22 қыркүйек 2016, 14:24

0_c5d62_5de51d5f_orig

Қару –жарақ дүкендерінің жартысы талапқа сай емес. Ақтөбедегі қайғылы оқиғадан кейін сауда орындары мен күзет мекемелерінде жүргізілген тексеру осындай сорақы кемшілікті әшкереледі. Бұл туралы бүгiн Астанада өтiп жатқан «Қазiргi кезеңдегi экстремизм мен терроризмнiң алдын алу мен жолын кесудiң заңнамалық және институционалдық шаралары» алқалы отырысында Бас прокурордың орынбасары Андрей Кравченко хабарлады.

photo_26322

Ол бұл салада бақылаудың күшейтілетінін айта келе, «Қару дүкендерiнiң 50 пайызында олқылық анықталды. Күзет агенттiктерiнiң үштен бiрiнде, инкассция қызметiнiң жартысынан астамында кемшiлiк жетерлік. 150-ден астам адам жауапкершiлiкке тартылды. Бiз 5 мыңға жуық адам көп жиналатын нысанды тексердiк. Бүгiнде олардың 74 пайызының жағдайы көңiл көншiтпейдi. Сол жерде тұрған күзет терроризм қаупiнiң алдын алады деу қиын», — деп, күрделі мәселенің шетін шығарды.