Елімізге Париж олимпиадасына ресми шақырту келді

28 шiлде 2023, 10:50

Қазақстанға 2024 жылы Парижде өтетін жазғы Олимпиада ойындарына қатысуға ресми түрде шақырту келді. Мұны мәдениет және спорт министрлігінің баспасөз қызметі мәлімдеді.
«Мәдениет және спорт министрлігі Қазақстан Париждегі XXXIII жазғы Олимпиадаға ресми түрде шақыру алғанын хабарлайды. Ресми құжатты халықаралық Олимпиада комитеті Қазақстан Республикасының Ұлттық олимпиада комитетіне жолдады», — делінген хабарламада.
Олимпиада ойындары 2024 жылдың 26 шілдесі мен 11 тамызы аралығында Францияның Париж қаласында өтеді.
2021 жылы өткен Токио жазғы Олимпиадасына қазақстандық спортшылар 28 спорт түрінен сынға түсіп, 8 қола медаль еншілеген болатын.

JQ-Aqparat