Есімов Токиода сасқалақтап қалды (видео)

08 қараша 2016, 13:15

Нұрсұлтан Назарбаев Токиода біріккен құжатқа қол қою рәсімі кезінде «Астана EXPO-2017» ұлттық компаниясының басшысы Ахметжан Есімовке ыммен жөн сілтеді.

photo_199434

Токиода Есімов Жапонияның EXPO-2017 көрмесіне қатысу туралы Сыртқы сауданы дамыту жөніндегі жапон ұйымы (ДЖЕТРО) басшысымен келісімге қол қойысты.

Бұл ресми рәсімге Елбасы Нұрсұлтан Назарбаев пен Жапонияның премьер-министрі Синдзо Абэ де қатысты.

Құжатқа қол қойып, құжаттармен алмасу кезінде (құжатты бергенде бір рет, ол жақтың қолынан құжат алғанда тағы бір рет қол қысу керек екен) бір рет қана қол алған Есімов кері кетпек болып Елбасыға қарағанда ол кісі алдында тұрған адамның созылған қолын көзімен ымдап көрсетіп, жағдайды реттеп жіберді.

Еске сала кетелік, Жапония — ым-ишараттың халқы. Мұнда көп сөз жоқ, барлығы ым-ишаратпен шешіледі. Сондықтан, әсіресе халықаралық деңгейдегі кездесулерге келген саясаткерлер қатты толқиды. Өйткені ойланбай жасаған, ебедейсіз бір қимыл елдік мәселеге нұқсан келтіруі мүмкін.

https://www.youtube.com/watch?v=VyqxacLIGOg

365info.kz