Екібастұзда ферроқорытпа зауыты салынады

01 желтоқсан 2023, 14:48

Премьер-Министр Әлихан Смайыловтың төрағалығымен Экономиканы жаңғырту мәселелері жөніндегі мемлекеттік комиссияның кезекті отырысы өтті.
Үкіметтің баспасөз қызметі хабарлағандай, жиында Павлодар облысының Екібастұз қаласында ферроқорытпа өндіретін зауыт салу мәселесі талқыланды.
Қуаты жылына 80 мың тонна ферросилиций болатын жоба 520-дан астам тұрақты жұмыс орнын құруға және осы өнімнің Жапония, Оңтүстік Корея, АҚШ, Түркияға және Еуропа елдеріне экспортын ұлғайтуға мүмкіндік береді.
Жоба бойынша инвестиция көлемі 113 млрд теңгеден асады, пайдалануға беру мерзімі – 2025 жыл.

JQ-Aqparat