«Екі жылқы жейміз». Алтынай Жорабаева соғыммен мақтанып, желіде сынға қалды (Видео)

Әнші Алтынай Жорабаева балконға жайған соғымын көрсетемін деп, жұрттан сөз естіді.

Әнші өзінің Истаграм парақшасында: «Ет жейтін қазақтармыз. Соғым шүйгін болсын! Бір қыста екі жылқы жеп қоямыз. Астанаға көшіп келгелі ет жейтін болыппын. Жалпы етті көп жемеуші едім. Мына тұрған бір жасар тайдың еті. Қыс бойы балконға сақтаймын. Шымкентте етті тек тұзбен ғана тұздайды. Сарымсақ, бұрыш дегендерді қоспайды. Мен де солай жақсы көремін», — деп жазды.

Сол-ақ екен, желі қолданушылардың пікірі қарша борады.

Жазбаның көбі «Етін, тамағын мақтанып көрсететіндерді түсінбеймін», «Ас болсын, әрине, бірақ бұлай көрсетіп, мақтану асыра сілтеу деп ойлаймын», «Осылар көз бен сөзден қорықпайды», «Етіңізге көз тисе, иесінің іші өтеді», «Жаман жегенін айтады», «Мақтанатын басқа дым қалмады», «Соғым алсын, бірақ қазысы тым көп емес пе?!» – деген сарында.

 

Посмотреть эту публикацию в Instagram

 

Публикация от Алтынай Жорабаева (@altynaizhorabayeva)

JQ-Aqparat
Видео: Instagram парақшасынан