Егіздің сыңары допинг дауына ілікті

Бокстан ұлттық құрама мүшесі, талантты боксшы Саматәлі Төлтаевтың басы дауға қалуы мүмкін. bassport.kz сайты боксшыға тиым салынған затты қолданды деген айып тағылуы мүмкін екенін жазды. Қазақстан бокс федерациясы Саматәлі Төлтаевтың допингке қарсы бірінші тапсырған сынамасы оң нәтиже көрсеткенін хабарлады. Екінші сынама қашан алынатыны белгісіз.

Халықаралық допингке қарсы агенттік (WADA) осы сынамаға қатысты тексерісті бастаған. Егер допинг тұтынғаны нақтыланса, 60 келідегі боксшы келешекте болатын айтулы додалардан шет қалуы былай тұрсын, жетістігінен де айырылуы мүмкін.

Спорт сарапшылары бұл қазақ боксына көрсеткен қыр, 2024 жылы өтетін Париж жазғы Олимпиадасының алдындағы шідерлеу болуы мүмкін дейді. Ағайынды Саматәлі мен Санатәлі Төлтаевтар егіз. Екеуі де бокстан ұлттық құраманың мүшесі.

JQ-Aqparat