Ең құнды алтын монета ұрланды

Берлиндегі «Боде» мұражайынан алып  алтын монета ұрланған.  Германияда құны 1 миллион АҚШ доллары тұратын сап  алтыннан жасалған монетаның салмағы 100 кг. Шетелдік БАҚ-тың хабарына қарағанда,  әлемдегі ең қымбат монетаның аты «Үйеңкі жапырағы».  Оң бетінде Елизавета II-ның бас суреті, ал теріс бетіне үйеңкі жапырағы   бейнеленген. Алтынның тазалығы 99,999 % болып, Канада корольдік валюта жасау орталығында жасалған. Әлемдегі ең құнды валюта ретінде Гиннестің рекордтар кітабына енген. Аталған мұражай бұл монетаның құнын $ 1 миллион деп тізімдеген екен. Алайда 100 килограмм сап алтынның таза құны, қазірдің өзінде шамамен 4,5 млн АҚШ долларына тура келеді. Жергілікті үкімет пен полиция өкілдері қылмысты тексеру үстінде. Алайда  қылмысқа қатысты  нақты деректер көрсетілмеді.