Е.Досаев: «Түртіп қалсаң, жекенің жері»

Алматы қаласының әкімі Ерболат Досаев бүгін Бостандық ауданының тұрғындарымен кездесу өткізіп, қоғамдық орындардың көпшілігі жеке меншік иелігіне өтіп кеткенін айтты. Шахар басшысына тұрғын Өтегенов пен Тауасрұлы көшелерінің қиылысындағы бос орынды әкімдік қарауына алып, абаттандырса деген ұсыныс тілегін айтты. Бостандық ауданының әкімі Алтай Рахымбетов қаңырап тұрған саябақтың мемлекет меншігінен жекенің иелігіне өткенін жеткізді. Әкімдік жер қатынастары басқармасымен бірлесіп, қоғамдық орынды әкімдікке қайтарып алуға күш салып жатқанын да айтты. «Міне, көріңіз бе, қай жерді түртіп қалсаң да жекеменшікке өтіп кеткен» деп кейіді Ерболат Досаев. Жауапты тұлғаларға тапсырма беріп, жекенің иелігіндегі саябақты әкімдікке қайтарып, көпшілік жүретін орынды жаңартып, жаңғыртуды тапсырды.

JQ-Aqparat