Джорджа Мелони Қазақстан Президентіне ризашылығын білдірді

Мемлекет басшысы Италия Премьер-министрі Джорджа Мелонимен телефон арқылы сөйлесті.
Президент Қасым-Жомарт Тоқаев Эмилия-Романья аймағында болған жойқын су тасқыны салдарынан адамдардың қаза табуына байланысты Премьер-министрге және барша Италия халқына көңіл айтты.
Әңгімелесу барысында екі ел басшылары саяси, сауда-экономикалық, инвестициялық және гуманитарлық салалардағы ынтымақтастықты дамыту перспективаларын талқылады.
Италия Премьер-Министрі өзінің Тwitter-дегі ресми парақшасында бұл туралы былай деп жазды:
«Рим мен Астана арасындағы екі жақты қарым-қатынастың жоғары деңгейін паш етіп, әрмен қарай нығайту түсуге мүдделі жүрекжарды лебіздесу.
Президент Тоқаевты Эмилия-Романьядағы
су тасқыны салдарынан адамдардың қаза болуына байланысты көңіл айтқаны үшін ризашылығымды білдіремін».
Aqorda.resmi Телеграм каналы жазғандай, былтыр екі елдің өзара тауар айналымы 15 млрд долларға жуықтады. Елдеріміз экономиканың түрлі саласында тығыз қарым-қатынас жасап келеді. Қазақстанда Италияның 270-тен астам компаниясы табысты жұмыс істеп жатыр.

JQ-Aqparat