Домбыраның құлағында ойнаған жапон азаматы жұртты сүйсіндірді (видео)

Домбыраның құлағында ойнаған жапон азаматының видеосын желіде он мыңға жуық адам тамашалап үлгерген. Алматыға қонақ болып қайтқан жапондық азамат өңірімізден естелік ретінде домбыраны алып кеткен. Ол домбыраны жай ғана кәдесый ретінде қабылдамай, аспапта күй тартып үйренуге де қызығушылық танытады.

«Мен қазақтың ұлы композиторларының бірі – Құрманғазының «Адай» күйін ойнауға тырысудамын», –  деп жазған жапониялық азамат видеоның астына. Келесі видеода ол домбыраны ден қойып, үйреніп жүргеніне үш апта болғанын және нәтижесіне разы екенін жазған.

nur.kz