Дидар Кәден: Ұлыма ақша жібере салу әкелік борыш емес

Отандық бағдарламаға сұхбат берген әнші Дидар Кәден өзінің бірінші некеден туылған ұлына қандай әке екенін сөз етті.
«Өзімді керемет әкемін деп айта алмаймын. Себебі үлкен ұлым нағашыларының қолында тәрбие алып жатыр. Апта сайын кездесіп тұрамын. Әкелік борышымды орындаймын, материалдық жағын айтпағанда, тәрбиемді беремін, ақалымды айтамын. Түздің адамы болған соң көбіне той-томалақпен басқа қалада жүресің. Осыдан бір апта бұрын қызым бір жасқа толып, той жасадым. Сонда айналамдағылардан маған көмектеспеуін өтіндім. Өзім жасап көрмек болдым. Тамағынан бастап, асабасына дейін өзім ұйымдастырып көрдім. Еріншектігім бар, жұмыспен жүріп ұмытып кетемін, жұмыста болсам қажетті ақшасын жібере саламын. Негізі ақша жібере салу әкелік борыш емес. Баланың қасында болу, бірге жатып, бірге тұру, тамақтану, қыдыру деген сияқты дүниелер менің қолымнан келмей жатады. Бірақ мен барынша тырысамын. Сенбі, жексенбі күндері ұлым келеді. Ұлымды, анамды, қызым мен әйелімді алып сауда орталықтарына, мейманханаларға, тауға барамын. Кешке тойым болса, сол жандармен кешке дейін уақыт өткіземін. Ұл-қызыма ертегі оқимын, жанында жатамын деп айта алмаймын. Менің ойымша, біріншіден, ер азамат отбасын асырау керек”, – дейді Дидар Кәден.

JQ-Aqparat