jasqazaq.kz

Депутат Жигули Дайрабаев: Ат төбеліндей адам талап етті деп мандатымды тапсырмаймын (Видео)

13 сәуiр 2023, 9:05

«Ат төбеліндей адамның талабы үшін, мандатымды тапсырмаймын». Бүгін депутат Жигули Дайрабаев Мәжілістен кетпейтінін ашық айтты. Екі ұлы бірдей істі болған мәжілісмен балаларының кінәлі екеніне сенбейді екен. Керісінше, олар әділдік үшін соңына дейін күреседі деп отыр. Бұл туралы КТК телеарнасы хабарлады.

Дайрабаевтың екі ұлы өткен аптада ғана бес жылдан шартты жаза арқалаған болатын. Оларға тағылған айып жеңіл емес. Сыбайластарымен бірге мемлекеттің 550 миллион теңгесін қалтаға басқан. Бұл қаржы құлпынай егуге берілген Үкіметтің субсидиясы. Алайда депутат-әке сот үкімімен келіспейді. Жалпы, Парламентке келгелі Дайрабаевтың басынан дау арылмады. Оны Жамбыл облысының тұрғындары да жайылым жерді тартып алды деп кінәлап, біздің арнамызға шағым айтқан. Бұған қарамастан мәжілісмен мандаттан бас тартпаймын деп отыр. Депутаттың тілшілерге де «өкпесі қара қазандай».

Жигули Дайрабаев, Мәжіліс депутаты:

— Мен екі ұлымды да кінәлі деп есептемеймін. Апелляцияға береді. Адвокаттар жұмыс істеп жатыр. Олар күні бүгінге егіс дала жұмысымен айналысып жатыр. Біреу айтты екен деп, мен бүгін кете қалатын жағдай жоқ. Мәселеге алдын ала байбалам салатын түгі жоқ. Бір жерден бірдеңе іліп тауып алып тұрып, бірбірімізді шұқылағанды қою керек, құрметті ағайын. Мен мемлекетке, мына қазақ халқына қызмет істеймін. Менің пайдам көп тиеді, осы, әсіресе, ауыл шаруашылық мәселесіне.

13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті
10 қараша, 14:34
Шымкентте Президент Жолдауын түсіндіруге арналған кездесулер өтті
09 қараша, 12:51
Әлішер Бекенов: Жылу шығынын азайту энергия тиімділігін арттыруға мүмкіндік береді
07 қараша, 10:32
Газ өңдеу зауыттары: Әртараптандырудағы айқын қадам
05 қараша, 18:32
Тарих қойнауынан табылған жазу немесе ғалым мен қаламгердің үндестігі