Депутат: «Арселор Миттал» жылына 200 млрд теңге табыс тапқан

«Арселор Миттал» компаниясы Қазақстанда жыл сайын 200 млрд теңге тауып отырған. Бұл туралы бүгін Мәжіліс отырысында депутат Арман Қалықов хабарлады.

Депутат соңғы төрт жылдағы ресми мәліметке сүйене отырып, осы қаржының басым бөлігі шетелге шығарылғанын айтты. Компания, сондай-ақ, жасалған құзырлы мекемелер тарапынан жасалған ескертулерге, өнеркәсіптік қауіпсіздікке инвестиция салу, көмір өндірісін кеңейту, барлық өндірісті жаңғыртуға қатысты келіссөз жүргізуге әрекет жасалғанына қарамастан, компания ешқандай мәмілеге келмеген.

А. Қалықов биылғы жылдың өзінде екі апаттық жағдай болғанына тоқталып, «Компанияның елде жұмыс істеген бүкіл кезеңінде жүздеген қазақстандық қаза тапты. Мыңдаған адам денсаулығынан айырылып, мүгедек болып қалды» деді.

JQ-Aqparat