Депутат Аманжол Әлтай: Әке емес, «мамам шешеді» дейтін балалар көбейді

Мәжілісте «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заң жобасын талқыланып жатыр.

Мәжіліс депутаты Аманжол Әлтай әйелдерден қысым көретін еркектер бар екенін еске салды. Сондай-ақ қартайған шағында балаларынан қысым көріп отырған ата-аналар да бар. Депутат: «Біз «әкеммен ақылдасайын», «әкемнен сұрайын», «әкем біледі» деген түсінікпен өскен буын едік. Қазір «мамам біледі», «мамамнан сұранайын», «мамам шешеді» дейтін балалар көбейді. Кеше ғана Қарағандыда болған 78 жастағы кейуананың өз баласынан зорлық-зомбылық көруі – осының бірден-бір себебі. Өзінің білегінен әлі кетіп, бойынан қуат кеткен шағында өзінің туған балаларынан зорлық-зомбылық көретін ата-аналар да көбейіп бара жатыр, — деді.

JQ-Aqparat