Демеу Жадыраев қырғыздың атақты балуаны Ақжол Махмудовты жеңді!

Ұлттық құрама бүгін Олимпиада ойындарында көрерменге тағы бір қуаныш сыйлады. Демеу Жадыраев грек-рим күресі балуандарының бәсекесінде жартылай финалға жолдама алды.
Ол ширек финалда Ақжол Махмудовты тізе бүктіріп, тамаша жеңіске жетті. Тамаша дейтініміз, оның қарсыласы Ақжол — Қырғыз елінің атағы жер жарған спортшысы, әлемнің екі дүркін чемпионы, 2021 жылы Токиода өткен Олимпиада ойындарының күміс жүлдегері.
Қазірдің өзінде қола медальді қанжығаға байлап үлгерген жерлесіміз алтыннан алқа тақсын деп тілейік!
JQ-Aqparat