Декларация тапсырмағандардың банктегі есепшоты бұғатталады

16 қыркүйекте жалпыға бірдей декларациялаудың үшінші кезеңі аясында есеп тапсыру аяқталған болатын. Кірісі мен мүлік туралы есеп тапсырмағандарға ескерту жасалды. Мемлекеттік кірістер комитеті хабарлағандай, кейін олардың есепшоттары бұғатталуы мүмкін.
Үшінші кезең аясында жеке кәсіпкерлер, компания басшылары, заңды тұлғалардың құрылтайшылары мен олардың жұбайлары 250-нысан бойынша активтері мен міндеттемелері туралы кіріс декларациясын, ал өзгелері 270-нысан бойынша кірістері мен мүлік туралы декларация тапсыруы тиіс.
Мемлекеттік кірістер комитетінің мәліметінше, биыл 2 милионнан астам жеке тұлға алғаш декларация ұсынған. Ал тапсырмағандарға ескерту жолданған.
Хабарлама жолданған соң азаматтардың декларация тапсырып, түсініктеме беруге 30 күн уақыты бар. Оны да тапсырмаған адамның банк шоттары бұғатталады.

JQ-Aqparat